Gjykata e Posacme shtyu per në datë 11 shtator procesin ndaj ish- ministrit të Mbrojtjes Fatmir Mediu. Kjo shkak se avokatët e ish-ministrit por edhe prokurorët e SPAK kanë kërkuar kohë të njihen me përgjigjet e ekspertëve financiarë, të cilët kanë hartuar dokumentin lidhur me dëmin e shkaktuar nga shpërthimi tragjk në fshatin Gërdec që iu mori jetën 26 qytetarëve.
Për tiu dhënë kohë palëve të shqyrtojnë dokumentin dhe për faktin se gyqtarët nisin pushimet verore procesi u zhvendos në shtator. Fatmir Mediu akuzohet për shpërdorim detyre dhe shpërdorim detyrë në bashkëpunim me kuadrin ushtarak komandues lidhur me tragjedinë e 15 marsit 2008 në Gërdec. Nga shpërthimi ne punishten e demontimit të armëve humbën jetën 26 persona dhe u plagosën qindra të tjerë.
