Një 17-vjeçar nga gjimnazi "Siri Shapllo" në Gjirokastër është hedhur nga dritarja e katit të dytë dhe ndodhet aktualisht në spital.
Ngjarja ka ndodhur rreth orës 13:00, në ambientet e gjimnazit. Sipas njoftimit të policisë, dyshohet se gjatë një loje me një shok klase, i riu është hedhur nga dritarja e katit të dytë. Fatmirësisht, ai ndodhet jashtë rrezikut për jetën.
Bazuar në dëshmitë e nxënësve, policia ka mësuar se 17-vjeçari është hedhur për shkak të një basti prej 10 mijë lekësh të vjetra, që ai mund të hidhej nga ajo lartësi. Si pasojë e rënies, ai ka thyer kyçin e këmbës dhe ndodhet në spital në gjendje të stabilizuar shëndetësore.
Policia po vijon hetimet për të sqaruar rrethanat e plota të ngjarjes.
