Policia e Vlorës ka njoftuar se një plagosjeje ka ndodhur mbrëmjen e sotme në qytetin bregdetar.
Në lagjen “15 Tetori”, dyshohet se për shkak të një konflikti, 51-vjeçari A.R., i cili ka precedentë penal të mëparshëm, ka plagosur me thikë 41-vjeçarin Xh.K. dhe më pas është larguar nga vendi i ngjarjes.
I plagosuri është dërguar në Spitalin Rajonal të Vlorës, ku po merr trajtim mjekësor dhe ndodhet në gjendje të rëndë shëndetësore. Policia ka nisur hetimet dhe po punon për kapjen e autorit dhe sqarimin e plotë të rrethanave të ngjarjes.
"Në lagjen '15 Tetori', rreth orës 20:27, dyshohet se për motive të dobëta, 51-vjeçari A.R., person me precedentë penalë, ka plagosur me thikë shtetasin Xh.K., 41 vjeç, banues në lagjen '24 Maji', dhe më pas është larguar nga vendi i ngjarjes. Shtetasi Xh.K. po merr kujdes mjekësor në Spitalin Rajonal të Vlorës, në gjendje të rënduar shëndetësore. Grupi hetimor është në vendngjarje dhe po punon për kapjen e autorit dhe zbardhjen e plotë të ngjarjes," informon policia.
