Një vrasje me armë zjarri u regjistrua në zonën e Ndroqit në Tiranë. Viktima është identifikuar si Alfred Dedja, 50 vjeç. Ai ndodhej brenda një lokali në zonë kur u qëllua për vdekje.
Ndërkoh policia ka identifikuar autorin e vrasjes, i cili është futur në lokal me armë, ka qëlluar Dedjan dhe është larguar me një makinë Benz të zi tip ML.
Viktima është banor i zonës, ndërsa dyshohet se ngjarja ka të bëjë me prishjen e pazareve të drogës.
Sipas burimeve të policisë autori i dyshuar është Julian Gjoshi, nga Shijaku.
Tiranë/Informacion paraprak
Më datë 01.12.2024, rreth orës 15:30, në një lokal në Ndroq, në rrethana ende të paqarta është vrarë me armë zjarri shtetasi A. D., rreth 50 vjeç.
Autori është identifikuar nga shërbimet e Policisë dhe një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj dhe kapjen e autorit të dyshuar.
[video width="848" height="474" mp4="https://cdnimpuls.com/vna.al/wp-content/uploads/2024/12/WhatsApp-Video-2024-12-01-at-4.42.39-PM.mp4"][/video]
