Bujar Shega shihet nga SPAK si një nga njerëzit më të rëndësishëm të përfshirë në trafikun e kokainës, pasi nga hetimet e deritanishme, ai financonte blerjen e sasive të mëdha që trafikoheshin nga Amerika Latine drejt Porteve të Bashkimit Europian.
Por krahas dyshimeve për trafik në kuadër të organizatës kriminale SPAK po heton edhe aktivitetin e biznesit të Shegës.
Ai është administrator i dy kompanive Viola Green dhe Ëonder Green dhe përmes tyre ka fituar tendera në disa bashki për pastrimin e qyteteve. SPAK do të hetojë dhe këtë aspekt, për të verefikuar mënyrën sesi janë fituar këto tendera, cilat kanë qenë kompanitë në garë dhe a është favorizuar Shega në aktivitetin e tij për shkak edhe të lidhjeve të forta politike. Gjithashtu hetuesit do të kalojnë në sitë edhe pasuritë e Bujar Shegës nga Peqini pasi ka dyshime se një pjesë e tyre kanë burim paratë e fituara nga trafiku i kokainës.
Marsel alias Bujar Shega u arrestua në Milano mbi bazën e një urdhër arresti të SPAK që goditi organizatën kriminale të Suel Celës. MInistria e Drejtësisë po përgatit kërkesën për ekstradimin e Shegës nga Italia drejt vendit tonë.
