Ushtria amerikane njoftoi se ka nisur një raund të ri sulmesh ndaj Iranit, duke filluar nga ora 06:00 sipas kohës së Uashingtonit (ET).
“Në orën 06:00 ET të së mërkurës, forcat e Komandës Qendrore të SHBA-së (CENTCOM) nisën një valë sulmesh kundër Iranit”, thuhet në një deklaratë të publikuar në platformën X.
Sipas deklaratës, sulmet synojnë të dobësojnë më tej aftësitë ushtarake që, sipas SHBA-së, forcat iraniane kanë përdorur për të sulmuar anijet tregtare në Ngushticën e Hormuzit.
“Sulmet janë të dizajnuara për të degraduar më tej aftësitë ushtarake që forcat iraniane kanë përdorur për të sulmuar anijet tregtare në Ngushticën e Hormuzit”, thuhet në deklaratë.
Tensionet mes Shteteve të Bashkuara dhe Iranit janë përshkallëzuar ditët e fundit për shkak të situatës në Ngushticën e Hormuzit. Të dyja palët kanë shkëmbyer sulme, pavarësisht ekzistencës së një memorandumi mirëkuptimi të ndërmjetësuar nga Pakistani, i cili synon uljen e tensioneve dhe krijimin e kushteve për arritjen e një marrëveshjeje të qëndrueshme paqeje.
