Ambasada e Shteteve të Bashkuara në Shqipëri ka konfirmuar emërimin e gjenerallejtënantit në pension Eric Wendt si ambasadorin e ardhshëm të SHBA-ve në Tiranë.
Përmes një reagimi zyrtar, ambasada ka uruar Wendt për detyrën e re dhe ka bërë të ditur se pret ardhjen e tij në Shqipëri, ku do të marrë përsipër përfaqësimin diplomatik të Shteteve të Bashkuara.
Sipas ambasadës, Wendt do të punojë në Tiranë në mbështetje të vizionit të Presidentit Donald Trump për siguri të përbashkët, forcimin e NATO-s dhe krijimin e marrëveshjeve të drejta për bizneset amerikane.
“U konfirmua! Urime Gjenerallejtënantit (në pension) Eric Wendt për rolin e tij të ri si Ambasadori i ardhshëm i Shteteve të Bashkuara në Shqipëri! Presim me kënaqësi Ambasadorin e emëruar Wendt në Tiranë, nga ku do të mbështesë vizionin e Presidentit Trump për siguri të përbashkët, një NATO më të fortë dhe marrëveshje të drejta për bizneset amerikane”, thuhet në reagimin e ambasadës.
