Një shishe Guinness, e zhytur në fund të detit prej më shumë se një shekulli e gjysmë, është gjetur në rrënojat e një anijeje të mbytur pranë Doverit, në brigjet e Anglisë.
Shishja besohet se daton nga viti 1864 dhe u zbulua nga zhytësi belg dhe fotografi nënujor Stefan Panis, gjatë eksplorimit të anijes Mindora, e cila u mbyt pas një përplasjeje teksa udhëtonte nga Londra drejt Vankuverit.
Pas zbulimit, mostra nga përmbajtja e shishes janë dërguar te mikrobiologët e KU Leuven University në Belgjikë. Synimi është të shihet nëse nga birra e vjetër mund të rikuperohet material gjenetik i majasë, në mënyrë që të rikrijohet shija origjinale e Guinness-it të shekullit XIX.
Sipas raportimeve, zhytësi beson se në rrënojat e anijes mund të ketë edhe shishe të tjera, ndoshta një arkë e plotë. Ekspertët nuk e përjashtojnë as mundësinë që birra të jetë ende e ruajtur, nëse uji i detit nuk ka hyrë përmes tapës.
Pra, historia është kjo: një shishe që deti e mbajti të fshehur për 162 vjet, tani mund t’u tregojë shkencëtarëve si shijonte Guinness-i para se bota moderne ta kthente gjithçka në marketing.
