Donald Trump ka deklaruar se marrëveshja e arritur me Iranin garanton që Teherani nuk do të zotërojë kurrë armë bërthamore.
Ai e cilësoi këtë marrëveshje si një sukses historik, duke theksuar se “asnjë president tjetër nuk e ka arritur më parë një rezultat të tillë”.
Sipas tij, “Lindja e Mesme tani është më e sigurt” pas këtij zhvillimi diplomatik.
Ndërkohë, administrata amerikane i ka kërkuar Kongresit një paketë financiare prej 88 miliardë dollarësh për shpenzime të ndryshme.
Rreth 80 miliardë dollarë të kësaj pakete, sipas raportimeve, lidhen me kostot e luftës në Iran dhe konfliktin e nisur më 28 shkurt.
Trump ka kritikuar edhe disa aleatë kryesorë të NATO-s, duke shprehur pakënaqësi ndaj Britanisë së Madhe, Gjermanisë, Francës dhe Italisë.
Ai tha se këto vende “e kanë braktisur SHBA-në” dhe nuk kanë ofruar mbështetjen e pritur në momentet e krizës.
Trump shtoi gjithashtu se një president tjetër nuk do të ishte takuar me Mark Rutte në të njëjtën mënyrë.
