Presidenti i Shteteve të Bashkuara, Donald Trump, në një intervistë për CBS News deklaroi se negociatorët amerikanë dhe ata iranianë janë shumë pranë arritjes së një marrëveshjeje përfundimtare mes dy palëve.
Sipas raportimeve të mediave amerikane, propozimi i fundit parashikon rihapjen e Ngushticës së Hormuzit, lirimin e një pjese të aseteve të ngrira të Iran në bankat e huaja, si dhe vazhdimin e negociatave në një fazë të mëvonshme.
Trump nuk dha detaje të plota mbi përmbajtjen e marrëveshjes së mundshme, por theksoi se situata “po përmirësohet çdo ditë” dhe se nuk mund të bëhen njoftime publike pa informuar më parë palën tjetër.
Ai shtoi gjithashtu se çdo marrëveshje përfundimtare duhet të garantojë që Irani të mos pajiset me armë bërthamore, duke kërkuar që çështja e uraniumit të pasuruar të trajtohet në mënyrë të kënaqshme.
“Unë do të nënshkruaj vetëm një marrëveshje ku marrim gjithçka që duam”, u shpreh ai.
Ndërkohë, burime të ndryshme bëjnë me dije se presidenti amerikan po shqyrton ende alternativa të tjera dhe nuk ka marrë një vendim final, ndërsa vijon konsultimet me këshilltarët e tij dhe me disa vende të Gjirit, përfshirë Saudi Arabia.
