Edi Rama deklaroi sot nga Durresi se Partia Socialiste e Shqipërisë është ndarë nga periudha e komunizmit, ndërsa e cilësoi Sali Berishën si “mbeturina më e neveritshme e komunizmit”.
Rama tha se PS “i ka vlerësuar komunistët për atë që kanë qenë dhe e ka refuzuar komunizmin për atë që ka kryer”, ndërsa akuzoi kundërshtarët se “luftojnë komunistët dhe jo komunizmin”.
“Nuk është rastësi që sot, në anën tjetër, vazhdon dhe mbijeton në krye të asaj që gabimisht quhet opozitë, një mbeturinë e komunizmit, e komunizmit në formën e vet më të neveritshme”, deklaroi Rama, duke cituar edhe Václav Havel për “komunistin-antikomunist”.
Por ironia politike qëndron te fakti se këto deklarata vijnë nga kryetari i një partie që drejtohet prej 15 vitesh pa garë reale për kryetarin dhe që ende nuk ka artikuluar një kërkimfalje të qartë për krimet e diktaturës komuniste në Shqipëri.
