Ish-zëvendëskryeministri, Arben Ahmetaj, në intervistën për “Çim Peka Live” u shpreh se kryeministri Rama ka udhëtuar 8 herë me çarter.
Ahmetaj tha se një fluturim me çarter nga Shtutgarti i kryeministrit është paguar nga një biznesmenë që kanë marrë leje ndërtimi.
“Po mirë fluturimet me çarter i ka deklaruar ky, po marr nja dy, se kam 8, por po marr dy, përveç Air Albania-s që e nxora. Kush e ka paguar fluturimin nga Shtutgarti të çarterit dhe a kanë marrë leje ndërtimi, ky personi? Midis 2016 dhe 2019, dhe 2020 gjithashtu. E njëjta gjë me Beogradin, është paguar nga biznesmenë që kanë marrë leje ndërtimi. Le ta kundërshtojnë. Ore ca ka fshirë, ka fshirë, bravo, te një telefon SPAK-u ka gati 12 fluturime” – tha Ahmetaj.
Ish-numri dy i qeverisë, më tej tha se Rama së bashku me Linda Ramën kanë qenë dy herë në “Palaco Hotel” në Bolzano që është edhe qendër detoksifikimi. Sipas tij, shpenzimet ishin 10 mijë euro për person dhe i ka paguar një biznesmen që ka marrë leje ndërtimi.
“Verifikoni ku ka qenë kreu i organizatës (Rama) në Palaco Hotel në Bolzano, qendër detoksifikimi. Ka qenë më shumë se dy herë. Ka qenë me zonjën e tij, personi kushton 10 mijë euro në javë. I ka paguar një biznesmen që është afër familjes dhe personi ka marrë në vazhdimësi leje ndërtimi. Le ta verifikojnë, Palace Di Merino, është një vend shumë i shtrenjtë, kanë qenë familjarisht, pa fëmijët dhe ka paguar biznesmeni që ka marrë leje ndërtimi” – u shpreh Ahmetaj.
