Sali Berisha deklaroi sot se është i ftuar për të marrë pjesë në kongresin elektoral të CDU. Duke folur për takimin e pritshëm në Gjermani javës së ardhshme, ai konfirmoi se do të marrë pjesë në kongresin 1-ditor elektoral të CDU, ku janë të ftuara edhe parti të tjera simotra.
Kryetari i PD përjashtoi mundësinë se do të takohet në Gjermani me shqiptarë që jetojnë atje. “Mendova të organizoja dhe takime të tjera me shqiptarët atje, por koha nuk premton dhe nuk do e organizoj,” tha më tej kryetari demokrat, i cili mori leje nga Gjykata e Posaçme për të mos u paraqitur në SPAK të hënën e ardhshme, siç vendosi Gjykata e Posaçme e Apelit.
Sali Berisha paralajmëroi se do të shkojë në takime me shqiptarët që jetojnë jashtë atdheut, por nuk specifikoi datë dhe vend se si do të realizohen këto takime.
