Lajmi për ndarjen nga jeta të Kryepeshkopit Anastas Janullatos ka sjellë reagime nga krerët e politikës shqiptare.
Ndër të parët që reaguan ishin Presidenti Bajram Begaj dhe kreu i Partisë së Lirisë, Ilir Meta, të cilët kanë ngushëlluar pa u gdhirë për ndarjen nga jeta të Kryepeshkopit.
Ndërsa kryeministri Edi Rama, në mënyrë ironike ngushëllimet i përcolli gjatë aktivitetit për 95-vjetorin e Kryegjyshatës Botërore të Bektashinjve: “I bashkohem shprehjes së keqardhjes për ndarjen nga jeta të kryepeshkopit Janullatos dhe, duke uruar që të prehet në paqe, i përcjell ngushëllimet e mia të gjithë bashkëpunëtorëve të tij dhe anëtarëve të komunitetit të besimtarëve ortodoksë.” - tha Rama.
I vetmi që nuk ka reaguar ende është kreu i Partisë Demokratike, Sali Berisha. Duke pasur parasysh që para disa ditësh ish-kryeministri i uroi shërim të shpejt Kryepeshkopit kur ishte i shtruar në spital, me shumë mundësi vonesa e ngushëllimit për vdekjen mund të jetë ende në zyrën e medias për t’u shqyrtuar.
