Partia Social-Demokrate (PSD), Partia për Drejtësi, Integrim dhe Unitet (PDIU) me Partinë Socialiste (PS) kanë bashkuar votat 8 herë në Kuvend për çështje si: miratimi i programit politik të qeverisë në shtator 2021 dhe buxhetet nga 2021 deri në 2025. Të dhënat vijnë nga Kuvendi, për Komisionitën Qendror të Zgjedhjeve (KQZ) në përgjigje të një kërkesë për informacion që ka kërkuar së fundmi. KQZ ka kërkuar nga Kuvendi që të dërgojë letrën me të gjitha rastet kur këto dy parti kanë bashkuar votat me socialistët. Kuvendi i ka kthyer përgjigje KQZ se sa herë deputetët e PSD dhe PDIU kanë bashkuar votat me PS. Sipas shkresës së Kuvendit rezulton se këto dy parti i kanë bashkuar votat 8 herë me socialistët për të miratuar pro0gramin politik të qeverisë në 16 shtator 2021 si edhe për votimin dhe miratimin e buxheteve nga viti 2021 deri në 2025.
- Përgjigjja e Kuvendit: I nderuar zoti Komisioner Në përgjigje të shkresës Suaj me nr. prot. 323, datë 17.1.2025 në të cilën kërkohet vënia në dispozicion e qëndrimeve të shprehura në votë të deputetëve të Partisë Socialdemokrate (PSD) dhe Partisë për Drejtësi, Integrim dhe Unitet (PDIU), në votëbesimin e qeverisë, ligjin e buxhetit, etj., gjatë periudhës së legjislaturës 2021-2025, Ju dërgojmë dokumentacionin arkivor si mě poshtë:-
- -Procesverbalin për votimin e projektvendimit "Për miratimin e programit politik dhe përbërjes së Këshillit Ministrave", datë 16 shtator 2021, bashkëlidhur dhe fletët e votimit.
- -Procesverbalin për votimin në parim të projektligjit "Për buxhetin e vitit 2022", bashkëlidhur edhe fletët e votimit.-Procesverbalin për votimin në tërësi të projektligjit "Për buxhetin e vitit 2022", bashkëlidhur edhe fletët e votimit.-Përmbledhjen e rezultatit të votimit në parim të projektligjit "Për buxhetin e vitit 2023".Përmbledhjen e rezultatit të votimit në tërësi të projektligjit "Për buxhetin e vitit 2023".
- -Votimi në parim dhe në tërësi i projektligjit "Për buxhetin e vitit 2024" për shkak të situatës se krijuar gjatë seancës plenare u zhvillua me kartonë dhe nuk disponojmě votimin individual të deputetëve.
- -Bashkëlidhur procesverbali i seancës plenare të datës 7 dhjetor 2023 dhe procesverbali i seancës plenare të datës 21 dhjetor 2023.
- -Përmbledhjen e rezultatit të votimit në parim të projektligjit "Për buxhetin e vitit 2025". Përmbledhjen e rezultatit të votimit në tërësi të projektligjit "Për buxhetin e vitit 2025".
