Mesa di unë, kanë dhënë dorëheqjen 5 kryetarë degësh të cilët do të marrin pjesë në primaret që priten të zhvillohen në PD. Kështu deklaroi sot Sali Berisha, i cili e përjashtoi që një kryetar në detyrë të marrë pjesë në primare, pa saktësuar ende datën se kur do të zhvillohen këto primare.
Sali Berisha sërish nuk dha një përgjigje të qartë nëse drejtuesit politikë të qarqeve do të marrin pjesë në primare apo jo. Sipas tij, këtë do ta vendosë Këshilli Kombëtar i PD. Eksperienca ka treguar se, kur do të shmangë një vendim autoritar, Sali Berisha e delegon këtë përgjegjësi te Këshilli Kombëtar, i cili është plotësisht në kontrollin e tij. Me gjasë, drejtuesit politikë do t’i nënshtrohen dhe ata primareve, duke e bërë listën e ardhshme të kandidatëve për deputetë të PD një “pronë” ekskluzive të kryetarit të saj.
