Një ditë para afatit zyrtar për dorëzimin e kandidatëve për deputetë në zgjedhjet e 11 majit, aleatët e PD kanë shkuar në selinë blu.
Ndërkohë që si, Partia Demokratike ashtu edhe Partia Socialiste nesër do të zhvillojnë takimet kryesore për vendosjen e kandidatëve në listat për deputetë.
Mësohet se nesër Kryesia e PD do të mblidhet në orën 17:00, ndërsa Këshilli Kombëtar në orën 19:00.
Nga ana tjetër, po ditën e nesërme, Rama diskuton emrat që vijnë nga diaspora. Këtë do t'a bëjë me Këshillin e Diasporës, një organizëm brenda në PS udhëhequr nga Taulant Balla. Nesër pasdite, në orën 19:00 Rama dhe Kryesia Socialiste do të hartojnë listën finale e për t’ia çuar KQZ.
Nga të dyja forcat politike priten surpriza për emrat listat e kandidatëve për deputetë.
Deri nesër në mesnatë është afati i fundit për dorëzimin e listave në Komisionin Qendror të Zgjedhjeve.
