Protestuesit e kanë uruar në mënyrë ironike kryeministrin Edi Rama, i cili nesër feston 62-vjetorin e lindjes.
Ata, që prej 34 ditësh po zhvillojnë protesta në Tiranë duke kërkuar dorëheqjen e tij dhe largimin e qeverisë, kanë përgatitur meme për protestën e nesërme me një formë simbolike urimi ndaj tij.
Në këto materiale, kryeministri paraqitet përmes një dizajni satirik që imiton dosjen “The Albanian Files”, e cila më herët është dorëzuar nga protestuesit në SPAK si pjesë e denoncimeve të tyre.
Stikerat përmbajnë mesazhe me tone ironike, ndërsa në imazhe janë vendosur elemente simbolike si kulla në formë qirinjsh dhe një zog mbi supe.
