Në zonën e Triportit në Vlorë u zhvillua sot një protestë qytetare pranë TEC-eve lundruese. Tubimi ishte paralajmëruar më herët në rrjetet sociale dhe kishte si qëllim kundërshtimin e vendosjes së gardheve rrethuese, si edhe praninë e dy TEC-eve lundruese në këtë zonë.
Protestuesit, me pankarta në duar, kërkuan gjithashtu dorëheqjen e kryeministrit Edi Rama.
Për shkak të rëndësisë së objektit, zona u rrethua me forca të shumta të Policia e Shtetit dhe të Forcave të Ndërhyrjes së Shpejtë, të cilat siguruan rendin gjatë zhvillimit të protestës.
