Shkodra është tronditur mbrëmjen e kësaj të enjteje nga të shtëna me armë zjarri të raportuara në qytet.
Sipas burimeve policore, ngjarja ka ndodhur në zonën e njohur si “Fermentimi”. Ka qenë një telefonatë e mbërritur në sallën operative që ka vënë në lëvizje menjëherë forcat e Policisë së Shkodrës.
Nga të dhënat paraprake rezulton se janë dëgjuar të shtëna në ajër, ndërsa fatmirësisht nuk raportohet për persona të lënduar.
Forcat e policisë kanë mbërritur në vendngjarje, kanë rrethuar perimetrin e zonës dhe po punojnë për zbardhjen e plotë të rrethanave dhe identifikimin e personave të përfshirë në ngjarje.
