Inspektori i Lartë i Drejtësisë (ILD) i është drejtuar Gjykatës Kushtetuese me kërkesë për nisjen e procedimit disiplinor ndaj anëtarit të Këshillit të Lartë të Prokurorisë (KLP), Olger Eminaj. Kërkesa është depozituar më 18 qershor.
Procedimi vjen pasi ndaj Eminajt u zhvillua një hetim disiplinor, i nisur pas publikimit të disa komunikimeve me një qytetare gjatë orarit zyrtar të punës.
Sipas të dhënave, ankuesja i ishte drejtuar KLP-së për çështje që lidhen me sistemin e drejtësisë, ndërsa ILD dyshon se sjellja e anëtarit të KLP mund të përbëjë shkelje disiplinore. Tashmë pritet që Gjykata Kushtetuese të shqyrtojë kërkesën e ILD-së dhe të vendosë mbi vijimin e procedurës.
