Policia e Durrësit ka arrestuar 76-vjeçarin me iniciale M.Rr., i cili dyshohet për një krim të rëndë familjar. Ai akuzohet se mbrëmjen e djeshme ka vrarë me thikë vëllanë e tij 74-vjeçar, shtetasin E.Rr. Ngjarja tragjike ka ndodhur në fshatin Agonas të Kavajës pas një konflikti për motive të dobëta.
Gjatë operacionit, uniformat blu kanë sekuestruar thikën e përdorur në krim në cilësinë e provës materiale. Autori i dyshuar tashmë ndodhet në pranga dhe do të përballet me drejtësinë. Materialet procedurale i kanë kaluar Prokurorisë pranë Gjykatës së Durrësit për veprime të mëtejshme.
