Gjykata e Posaçme dënoi me burgim të përjetshëm Plaurent Dervishajn për atentatin mafioz ndaj ish-prokurorit Arjan Ndoj, ku mbeti i vrarë një person dhe u plagosën dy të tjerë.
Me 35 vite burg u dënua Julian Meçe, i konsideruar si bashkëpunëtori më i ngushtë i Dervishajt.
Në atentatin e 1 nëntorit 2019 mbeti i vrarë Andi Maloku, ndërsa u plagosën ish-prokurori Arjan Ndoj dhe Aleksandër Laho, i njohur si “Rrumi”.
Në cilësinë e ekzekutorit, me burgim të përjetshëm u dënua edhe Redian Rraja, nipi i ish-deputetit socialist Rrahman Rraja.
