Gjykata caktoi masat e sigurisë për 36 protestuesit e arrestuar përgjatë protestave të studentëve.
Për 30 prej tyre është caktuar masa e detyrimit për paraqitje, ndërsa për 6 të mitur nuk është caktuar asnjë masë sigurie.
Për 21 protestues të tjerë pritet që gjykata të shpallë vendimin.
Protestuesit u arrestuan pas përplasjeve me policinë përgjatë 7 ditëve të protestave studentore, ndërsa ndaj tyre rëndojnë akuzat për “shkatërrim prone, kryer në bashkëpunim”, “kundërshtim të forcave të rendit” apo “shkelje të rregullave mbi lëndët plasëse dhe djegëse”.
Të arrestuarit përgjatë dy ditëve të fundit pritet të dalin para gjykatës për masë sigurie.
