Gjimnazistët në Kamëz kanë bojkotuar mësimin dhe kanë dalë në protestë, duke shënuar nisjen e tubimeve të sotme të të rinjve kundër qeverisë.
Nxënësit kanë lënë auditorët dhe janë mbledhur në rrugë, në vijim të protestave që kanë përfshirë ditët e fundit Tiranën.
Tubimet pritet të shtrihen edhe në zona të tjera të kryeqytetit, siç ndodhi dy ditë më parë, kur nxënës të shkollave të mesme dhe studentë të universiteteve iu bashkuan protestave.
Bojkoti në Kamëz vjen pas disa ditësh mobilizimi të të rinjve, gjatë të cilave janë shënuar tensione dhe përplasje mes protestuesve dhe policisë.
