Kryeministri Edi Rama ka zhvilluar një takim me elektoratin në Njësinë 2 në Tiranë, ku ka komentuar edhe kundërshtarët politikë. Gjatë fjalës së tij, ai ka bërë një krahasim mes organizimit të Partisë Demokratike në vitin 2021 dhe situatës së saj aktuale.
Kreu i qeverisë ka vlerësuar fushatën e Bashës dhe Partisë Demokratike, duke thënë se në vitin 2021 ata ishin më të organizuar se kurrë më parë, ndërsa në 2023 u kthyen në një “Estradë të Ballshit”.
Nuk kurseu as ironine pas përplasjeve të fundit me ish kreun e PD në rrjetet sociale.
“Ka lindur për influencer, jo për politikë, por e mori rrota e historisë dhe i ngeli në dorë. Megjithatë, nga 2013 deri në 2023, partia e drejtuar prej tij në 2021 ka qenë më e forta që unë kam parë. Në raport me vetveten, aty ata kanë qenë më të organizuar se çdo herë tjetër. Në 2023 ishin ‘Estrada e Ballshit’, në 2021 ishin më mirë se asnjëherë tjetër,” tha Rama, duke nënkuptuar se PD nuk do të arrijë më atë rezultat.
