Pedagogët dhe studentët janë mbledhur këtë të mërkurë përpara Universitetit Politeknik të Tiranës, për të nisur një marshim paqësor në mbështetje të protestave studentore që po zhvillohen prej ditësh në vend.
Studentët kanë shpalosur në ambientet e universitetit një banderolë të madhe me mbishkrimin: “Rroftë rinia e lirë! Sot vendosim ne!”, duke përcjellë mesazhin e tyre të protestës.
Pas grumbullimit, pedagogët dhe studentët kanë nisur marshimin nga Universiteti Politeknik drejt bulevardit “Dëshmorët e Kombit”.
Ndërkohë, pedagogët kanë njoftuar bojkotimin e procesit mësimor duke nisur nga dita e sotme dhe deri në një njoftim të dytë.
