Deputetët votuan në favor të legalizimit të vdekjes së asistuar, ndërsa një projektligj historik kaloi pengesën e tij të parë në Dhomën e Komunave. Dhoma e Komunave votoi me 330 vota pro dhe 275 kundër, një shumicë prej 55 votash, në favor të Projektligjit për të Rriturit me Sëmundje Terminale (Fund i Jetës). Vendimi për t’i dhënë projektligjit një lexim të dytë do të thotë se tani ai do t’i nënshtrohet shqyrtimeve dhe votimeve të mëtejshme gjatë javëve dhe muajve në vijim, në një rrugë të gjatë për t’u bërë ligj. Një debat pesëorësh mbi këtë çështje tregoi se Dhoma e Komunave ishte e ndarë në dysh, ndërsa shumë deputetë deklaruan se do ta mbështesnin projektligjin, por do të dëshironin ta shihnin të përmirësuar në të ardhmen. Ligji duhet të kalojë në Dhomën e Lordëve para se të hyjë në fuqi. " Votimi do të ketë pasoja monumentale për sistemin e kujdesit për fundin e jetës në Mbretërinë e Bashkuar" . Kështu u shpreh Toby Porter, Drejtori Ekzekutiv i Shërbimit Shëndetësor në Mbretërinë e Bahskiar. Sipas tij votimi i sotëm do të ketë “pasoja monumentale” për sistemin e kujdesit për fundin e jetës në Mbretërinë e Bashkuar. Ai tha: “Gjatë debatit të javëve të fundit, kemi qenë të inkurajuar që njerëzit nga të gjitha anët kanë qenë të bashkuar në një pikë. Deputetët sot kanë qenë tejet të qartë për këtë. Kujdesi paliativ dhe ai për fundin e jetës në Mbretërinë e Bashkuar aktualisht nuk është i mjaftueshëm. Njerëzit nuk po marrin kujdesin që u nevojitet. Kjo duhet të ndryshojë. “E kemi thënë më parë që është e patolerueshme që dikush të zgjedhë vdekjen e asistuar nga frika se nuk do të marrë kujdesin e nevojshëm. Kjo frikë, për momentin, është reale dhe e justifikuar. Qeveria duhet të veprojë, tani dhe për afat të gjatë, për ta ndryshuar këtë. “Votimi i sotëm ka pasoja monumentale për sistemin e kujdesit për fundin e jetës dhe për sektorin shëndetësor në Mbretërinë e Bashkuar. Në fazat e mëtejshme të procesit parlamentar që do të ndjekë tani, është absolutisht kritike që deputetët të përpiqen të kuptojnë dhe të angazhohen me detajet e sfidave shumë të rëndësishme që janë ngritur për projektligjin, dhe që do të vazhdojnë të shfaqen ndërsa ai përparon. Projektligji “Deputetët e kanë miratuar projektligjin siç është paraqitur, në parim. Por miratimi në parim dhe zbatimi në praktikë janë dy gjëra shumë të ndryshme. Pasojat për hospicet nuk duhet të nënvlerësohen apo anashkalohen. Ka pyetje të mëdha pa përgjigje. I nxisim të gjithë deputetët që tani të angazhohen aktivisht dhe të dëgjojnë ekspertizën dhe përvojën e sektorit të hospices.” Organizata është neutrale për çështjen nëse ligji duhet të ndryshohet apo jo. Vota Deputetët votojnë pro legalizimit të vdekjes së asistuar Deputetët votuan në favor të legalizimit të vdekjes së asistuar, duke miratuar një legjislacion historik në fazën e parë në Dhomën e Komunave. Dhoma e Komunave votoi me 330 vota pro dhe 275 kundër Projektligjit për të Rriturit me Sëmundje Terminale (Kujdesi për Fundin e Jetës).
Një heshtje e thellë pushtoi sallën e Komunave kur u shpall rezultati i votimit.
Jenrick: Gjyqtarë aktivistë në Strasburg do të ndryshonin ligjet për vdekjen e asistuar Robert Jenrick paralajmëroi se “gjyqtarët aktivistë në Strasburg” mund të bëjnë ndryshime themelore në rregullat për vdekjen e asistuar nëse Projektligji i Kim Leadbeater miratohet dhe përfshihet në librin e ligjeve. Sekretari i Drejtësisë në hije tha: “Kam frikë, madje jam i sigurt si nata pason ditën, se ky ligj nëse miratohet do të ndryshojë. Jo si rezultat i individëve në këtë dhomë apo në Dhomën e Lordëve, por si rezultat i gjyqtarëve në vende të tjera. “E kemi parë këtë herë pas here. Mund të ndodhë në cilëndo anë të debatit, por do të ndodhë. Ky akt, nëse miratohet, do të jetë subjekt i gjyqtarëve aktivistë në Strasburg. Ata do t'a ndryshojnë atë në mënyrë themelore dhe duhet të jemi të përgatitur për këtë. Nuk dua që kjo të ndodhë.” Jenrick: Projektligji për vdekjen e asistuar do të ishte një ligj i keq Robert Jenrick tha se masat mbrojtëse të përcaktuara në projektligjin për vdekjen e asistuar ishin “thellësisht të pamjaftueshme” ndërsa foli kundër legjislacionit. Ai tha: “Ligji i keq për gjëra të parëndësishme është i mjaftueshëm i keq... ligji i keq për çështje jete dhe vdekjeje është i pafalshëm.
The Telegraph
