Sekretari i Përgjithshëm i Partisë Demokratike, Flamur Noka, ka renditur sot arsyet që, sipas tij, çuan në lirimin e Sali Berishës. Sipas Nokës, fitorja e Donald Trump në SHBA, e cila “preu metastazat e Sorosit në Shqipëri,” është arsyeja e parë.
Si arsye të dytë, ai përmendi Rezolutën e PPE, që përshkruan Shqipërinë si një shtet të kapur nga krimi dhe korrupsioni. Ndërsa arsyeja e tretë, sipas tij, ishte rezistenca e demokratëve dhe mosbindja civile. “Të gjitha këto,” tha Noka, “bënë që e vërteta të triumfojë.”
Këto komente, Sekretari i Përgjithshëm i PD i bëri gjatë një ceremonie në Vlorë, në kuadër të festimeve për Ditën e Pavarësisë.
