Partia Socialiste ka mbledhur grupin parlamentar, ku fokusi kryesor ishte zhvillimet e fundit në seancën parlamentare dhe qëndrimet ndaj opozitës. Deputetët e maxhorancës janë udhëzuar që të fokusohen kryesisht te diskutimet e nismave ligjore, si në seancat plenare ashtu edhe në komisionet parlamentare.
Gjithashtu, është dhënë një udhëzim i qartë për të shmangur çdo retorikë të ashpër apo përplasje me deputetët e opozitës, veçanërisht pas paralajmërimeve të Partisë Demokratike për bllokimin e jetës parlamentare. Ky qëndrim i opozitës vjen pas arrestimit të deputetit Ervin Salianji, një ngjarje që ka tensionuar atmosferën politike në vend.
Nga ana tjetër, kreu i grupit parlamentar të PD-së, Gazment Bardhi, ka njoftuar një bojkot të mundshëm të punimeve parlamentare, ndërsa PS-ja mbetet e fokusuar në kalimin e nismave ligjore për të shmangur destabilizimin e jetës parlamentare.
