Partia Demokratike do të mbledhë sot pasdite Këshillin Kombëtar, në vazhdën e takimeve me strukturat drejtuese, për të diskutuar dhe përcaktuar strategjinë e saj të ardhshme, përfshirë protestat apo reagimet pas dënimit me një vit burg të deputetit Ervin Salianji nga Gjykata e Apelit. Mbledhja do të fillojë në orën 18:00,kryetari i PD, Sali Berisha, do t’u drejtohet anëtarëve të forumit përmes një video-fjalimi në “Skype”, pasi ndodhet në arrest shtëpiak prej rreth 10 muajsh për shkak të hetimeve mbi privatizimin e kompleksit ‘Partizani’.
Këshilli pritet të formalizojë vendimet e marra më parë nga Grupi Parlamentar dhe Kryesia e PD-së, ndërkohë që pritet të angazhojë anëtarët për të garantuar pjesëmarrje masive në protestën e paralajmëruar për fundin e javës.
