Komisioni i Përzgjedhjes ka shpallur rezultatet e fazës së parë të procesit të konkurimit për pozicionin e Drejtorit të Byrosë Kombëtare të Hetimit (BKH), duke kualifikuar 7 nga 13 kandidatët që aplikuan për këtë post të rëndësishëm në luftën kundër korrupsionit dhe krimit të organizuar.
Në mbledhjen e datës 25 qershor 2025, Komisioni shqyrtoi dokumentacionin e dorëzuar nga aplikantët dhe, në përputhje me Kushtetutën, ligjin nr. 95/2016 dhe Rregulloren përkatëse të përzgjedhjes, vendosi vijimin në fazat e mëtejshme të konkurimit për kandidatët:
Të kualifikuar për fazën tjetër:
- Andi Pogaçe
- Artur Beu
- Elton Kërluku
- Gentian Ndoi
- Gentjan Shehaj
- Gledis Nano
- Joni Keta
Këta kandidatë do të vijojnë garën përmes testimeve të mëtejshme dhe intervistave për të vlerësuar integritetin, aftësitë profesionale dhe përvojën e tyre.
Të skualifikuar nga ky proçes janë:
- Astrit Halilaj
- Haki Çako
- Maoricio Sheldija
- Marinela Pilinçi
- Miklovan Kanani
- Nevrus Ndregjoni
Komisioni nuk ka dhënë ende detaje specifike mbi arsyet individuale të skualifikimit, por vendimi është marrë bazuar në përmbushjen e kritereve të përcaktuara në legjislacionin në fuqi.
Procesi i përzgjedhjes për Drejtorin e ri të BKH-së konsiderohet një nga hallkat më kritike në kuadër të reformës në drejtësi dhe forcimit të institucioneve të reja të pavarura të hetimit.
