Debat në procesin ndaj të pandehurve të dosjes "Plumbi i Artë". Këtë të enjte, avokatët duhet të pyesnin të penduarin Erion Alibej. Ata kërkuan 6 procesverbale të deklarimeve të tij, që nuk i kanë në dispozicion. Prokurorët deklaruan se deklarimet që nuk u janë dhënë avokatëve i përkasin një çështjeje tjetër. Pas tensionit të krijuar, gjykata dënoi me gjobë avokatët dhe shtyu procesin për në datën 1 korrik.
Erion Alibej ka rrëfyer krime të rënda, bashkë me të penduarin tjetër Nuredin Dumani. Në këtë proces do të rrëfehet edhe i penduari tjetër Skerdi Tase.
