Gjykata e Posaçme la në fuqi masën e sigurisë “arrest me burg” për Ilir Metën, ish-president i Republikës, i cili është marrë i pandehur për korrupsion, pastrim parash dhe fshehje pasurie. Gjatë seancës, Meta ka debatuar me prokurorin e çështjes, Sotir Kllapi, dhe ka këmbëngulur se nuk ka kryer asnjë vepër penale.
Avokati i tij deklaroi se çështja është politike dhe se nuk priste ndonjë ndryshim për masën, pasi, sipas tij, edhe vetë Meta e di që ndodhet në arrest me urdhër politik. Ai shtoi se z. Meta nuk ka pasur dijeni për përdorimin e kartave bankare të një biznesmeni dhe ia ka pasuar akuzën Monika Kryemadhit, ish-bashkëshortes së tij. “Jemi në një betejë që do të zgjasë”, përfundoi avokati.
