Kryeministri izraelit Benjamin Netanyahu deklaroi se do të udhëtojë në shtator në Nju Jork për Asamblenë e Përgjithshme të OKB-së, pavarësisht thirrjeve të kryebashkiakut Zohran Mamdani për arrestimin e tij nëse hyn në qytet.
Në një intervistë për Fox News me Sean Hannity, Netanyahu tha se ka “forca speciale rreth vetes” në rast se do të tentohej arrestimi i tij gjatë qëndrimit jashtë Izraelit.
“Kam shërbyer me ta për pesë vjet”, u shpreh ai, pa dhënë detaje se çfarë roli do të kishin këto forca në një situatë të tillë.
Megjithatë, Netanyahu theksoi se nuk ka ndërmend të anulojë udhëtimin në Nju Jork dhe se do të marrë pjesë në punimet e Asamblesë së Përgjithshme të OKB-së në muajin shtator.
