Një person është paraqitur afër mesnatës së të martës në spital i plagosur në këmbë. Sipas policisë, më datë 26.05.2026, rreth orës 23:55, është paraqitur në spital për ndihmë mjekësore, i plagosur në këmbë, dyshohet me armë zjarri, shtetasi Juxhin Hamajezi, i cili ndodhet jashtë rrezikut për jetën.
“Nga veprimet e para hetimore dyshohet se plagosja ka ndodhur në rrugën “Aleksandër Moisiu” gjatë një konflikti të çastit për motive të dobëta”, njoftoi policia.
Burimet thanë se nga hetimet e para rezulton se 34-vjeçari ka qenë në lokalin e tij bashkë me disa persona të tjerë, kur ka ndodhur ngjarja. Për të sqaruar dinamikën e ngjarjes, janë sekuestruar kamerat e lokalit. Gjatë marrjes në pyetje, Hamajezi nuk ka qenë shumë bashkëpunues me policinë, duke mos treguar detaje për ngjarjen. Policia i ka marrë edhe faktorë plotësues në duar për të konfirmuar nëse Hamajezi ka qëlluar ose jo me armë.
