Një ngjarje e rëndë u shënua mëngjesin e kësaj të mërkure në një banesë në rrugën e Dibrës. Gardisti, 42-vjeçar Albert Gadica është vetëvrarë me armën e shërbimit.
“Më datë 27.05.2026, rreth orës 07:05, në banesën e tij, në Rrugën e Dibrës, është konstatuar pa shenja jete shtetasi A. G., rreth 42 vjeç, punonjës i Gardës. Nga veprimet e para hetimore dyshohet se është vetëvrarë me armën e shërbimit. Grupi hetimor nën drejtimin e Prokurorisë po kryen veprimet për sqarimin dhe dokumentimin e plotë të rrethanave të rastit”, njoftoi policia.
Sipas familjarëve, 42-vjeçari kishte shfaqur shenja të depresionit për shkak të disa problemeve familjare që lidhen me çështjet ekonomike dhe shëndetësore.
