Presidenti amerikan Donald Trump ka deklaruar sonte se marrëveshja e mineraleve “është një marrëveshje e madhe edhe për Ukrainën”, sepse Kievi do të sigurojë garancinë e sigurisë në mënyrë automatike pasi SHBA të nisë punën.
“Ne do të jemi në tokë dhe në këtë mënyrë do të ketë siguri automatike sepse askush nuk do të ngatërrohet me njerëzit tanë kur jemi atje,” tha ai.
I pyetur nëse presidenti rus Vladimir Putin do të duhet të bëjë ndonjë “lëshim” në një marrëveshje për t’i dhënë fund luftës në Ukrainë, presidenti amerikan tha “po, ai do ta bëjë”.
Më tej Trump e cilësoi Putinin si “një person shumë të zgjuar”, dhe e përshkroi liderin rus si “dinak”.
