Një marrëveshje politike mes së djathtës britanike dhe asaj franceze ka shkaktuar reagime të forta në Francë.
Nigel Farage dhe Jordan Bardella kanë nënshkruar një memorandum që parashikon kthimin në Francë të azilkërkuesve që kalojnë Kanalin e La Manshit me varka të vogla dhe mbërrijnë në Britani.
Marrëveshja do të zbatohej vetëm nëse Reform UK e Farage dhe Rassemblement National e Bardella-s do të merrnin pushtetin në vendet e tyre.
Plani ka shkaktuar kritika nga disa figura politike franceze dhe është kthyer menjëherë në temë të debatit presidencial në Francë.
Emigracioni përmes Kanalit është prej vitesh një prej çështjeve më të debatueshme të politikës britanike.
Farage kërkon një politikë shumë më të ashpër ndaj emigracionit të paligjshëm, ndërsa Bardella dhe e djathta franceze po e përdorin emigracionin si një nga temat kryesore për zgjedhjet e ardhshme presidenciale.
Marrëveshja tregon gjithashtu se partitë populiste të djathta europiane po përpiqen gjithnjë e më shumë të koordinojnë politikat e tyre përtej kufijve kombëtarë.
