Portali spanjoll AS ka publikuar renditjen historike të futbollistëve me vlerën më të lartë të tregut, bazuar në kulmin e vlerësimit të tyre gjatë karrierës.
Në krye të listës ndodhen Lamine Yamal dhe Erling Haaland, të dy të vlerësuar me nga 220 milionë euro, shifra më e lartë e regjistruar ndonjëherë në tregun e futbollit. Vetëm 19 vjeç, Yamal e ka arritur këtë rekord falë paraqitjeve të shkëlqyera me Barcelonën dhe kombëtaren e Spanjës, ndërsa Haaland e preku të njëjtin nivel pas sezoneve dominuese me Manchester Cityn.
Pas tyre renditen Vinicius Jr. dhe Kylian Mbappé, të dy me nga 200 milionë euro. Mbappé ishte lojtari i parë që kaloi kufirin e 200 milionë eurove pas triumfit të Francës në Kupën e Botës 2018, ndërsa Vinicius arriti këtë vlerësim në vitin 2024 falë rolit vendimtar te Real Madridi.
Në listën e 10 futbollistëve më të vlefshëm në histori bëjnë pjesë edhe Jude Bellingham, Neymar, Lionel Messi, Michael Olise, Raheem Sterling dhe Pedri, duke dëshmuar dominimin e brezit të ri, por edhe trashëgiminë e yjeve që kanë shënuar epokën moderne të futbollit.
Renditja e 10 futbollistëve më të vlefshëm në histori:
Lamine Yamal – 220 milionë euro (2026)
Erling Haaland – 220 milionë euro (2026)
Vinicius Jr. – 200 milionë euro (2024)
Kylian Mbappé – 200 milionë euro (2018)
Jude Bellingham – 180 milionë euro (2023)
Neymar Jr. – 180 milionë euro (2018)
Lionel Messi – 180 milionë euro (2017)
Michael Olise – 170 milionë euro (2026)
Raheem Sterling – 160 milionë euro (2019)
Pedri – 150 milionë euro (2026)
