Boksieri shqiptar Kristian Prenga ka reaguar për herë të parë pas humbjes me nokaut ndaj britanikut Anthony Joshua, duke u kërkuar falje tifozëve shqiptarë dhe duke pranuar se nuk arriti të përmbushte pritshmëritë.
Prenga e nisi sfidën në mënyrë spektakolare, duke e rrëzuar dy herë Joshua në raundin e parë dhe duke krijuar përshtypjen se mund të shkaktonte një nga surprizat më të mëdha të boksit. Megjithatë, britaniku reagoi fuqishëm dhe e mbylli duelin në raundin e dytë me një nokaut.
Pas ndeshjes, boksieri shqiptar tha se e pranon rezultatin dhe e cilësoi fitoren e Joshua si pjesë të planit të Zotit.
“Urime për të. Nuk ishte mbrëmja ime. Ishte plani i Zotit që ai të fitonte. Unë jam mirë dhe e pranoj atë që ndodhi. Mendova se mund ta bëja të njëjtën gjë edhe në raundin tjetër, por nuk ndodhi,” u shpreh Prenga.
Ai falënderoi gjithashtu tifozët që e mbështetën dhe u kërkoi ndjesë për rezultatin.
“Kisha vetëm 10 për qind të tifozëve, por nëse kjo ndeshje do të zhvillohej në Evropë, ju premtoj se do të ishin 90 për qind më shumë. Ajo që mund të them është: Më falni të gjithëve. Nuk ju bëra krenar, por herës tjetër,” deklaroi ai.
Ndërkohë, Anthony Joshua pritet të rikthehet shumë shpejt në ring, ku sipas raportimeve do të përballet me bashkatdhetarin e tij Tyson Fury në një nga duelet më të shumëpritura të boksit.
