Lady Gaga, 38 vjeç, është tronditur nga mungea e pëlqimit për rolin e saj si Harleen Lee Quinzel, e njohur si Harley Quinn, përkrah Joaquin Phoenix, 49 vjeç, si Jokeri – një rol që i dha atij çmimin Oscar për aktorin më të mirë në vitin 2019 – pas duartrokitjeve të forta që mori filmi në Festivalin e Filmit në Venecia muajin e kaluar.
“Lady Gaga është e habitur nga reagimi ndaj Joker 2 dhe është e tronditur që njerëzit nuk e pëlqejnë, pas vlerësimeve që mori nga kritikët para premierës. Ajo ka vënë kaq shumë shpirt në film dhe ka shumë respekt për fansat e komikëve DC.”
Burimi shtoi: “Ekipi i saj po kërkon me qetësi projekte të tjera që mund t’i nxjerrin, pasi duan të kalojnë sa më shpejt nga kjo situatë.”
“Ajo është e zhgënjyer që Joker ka rezultuar thuajse një dështim,” kanë thënë. “Ajo mendonte se ky film mund t’i sillte një nominim për Oscar, veçanërisht pasi filmi i parë pati një sukses të madh dhe Joaquin fitoi një Oscar.
