Jennifer Aniston ka qenë gjithmonë në qendër të vëmendjes për shkak të jetës së saj personale dhe profesionale. Së fundmi, gjatë një interviste në “Jimmy Kimmel Live”, ajo iu përgjigj një prej thashethemeve më të çuditshme që kanë qarkulluar për të.
Prezantuesi Jimmy Kimmel e pyeti aktoren në lidhje me një zë që pretendonte se Aniston mban me vete në çantë një qese të mbushur me hirin e terapistit të saj të ndjerë. Duke qeshur, Aniston u përgjigj: “Pas kësaj deklarate do dukem sikur kam vërtet nevojë për një terapist, por nuk do ta tregoj të gjithë historinë me detaje. Thjesht, është disi e vërtetë.”
Kjo përgjigje la fansat të spekulojnë më tej, duke shtuar një tjetër element të çuditshëm në mitin që rrethon yllin e “Friends”. Megjithatë, siç duket nga qëndrimi i saj me humor dhe pa u shqetësuar shumë, Aniston e di mirë se si t’i trajtojë këto spekulime.
