Rihanna është bërë pjesë e thashethemeve që qarkullojnë rreth skandalit të reperit të njohur Sean “Diddy” Combs, por këtë herë pa dashur. Pas daljes nga një restorant në New York, këngëtarja u përball me një situatë të papritur, kur një fotograf që po e ndiqte e pyeti nëse kishte marrë pjesë në festat e pazakonta të Diddy-t.
Në videon që ka qarkulluar në platformën X (ish-Twitter), Rihanna duket e kapur në befasi nga pyetja, duke zgjedhur të mos japë asnjë koment. Reagimi i saj i qetë dhe heshtja tregojnë se ajo nuk dëshiron të përfshihet në spekulimet që kanë tronditur industrinë muzikore.
“Kjo është një çmenduri!” u shpreh ajo, teksa nxitoi për të hyrë në makinë.
Ndërkohë, shumë personalitete të famshme të përmendura në skandalin e Diddy-t ende nuk kanë reaguar publikisht, ndërsa historia vazhdon të tërheqë vëmendjen e mediave dhe fansave.
