Princesha e Uellsit, Kate Middleton, priti në Kështjellën Windsor me burrin e saj dhe trashëgimtarin e fronit britanik, William, një adoleshente 16-vjeçare që vuante nga një formë e rrallë dhe agresive e kancerit.
Pallati Kensington ka shpërndarë foto të takimit të William dhe Kate me Liz Hutton, ku bie në sy xhesti i ndjeshëm i princeshës e cila përqafon vajzën që po lufton me kancerin.
16-vjeçarja postoi një ‘listë me gjëra që do të donte të fotografonte në internet pasi u diagnostikua me një formë jashtëzakonisht të rrallë të sëmundjes.
Princi dhe Princesha e Uellsit folën me ‘fotografen’ adoleshente pasi e ftuan të bënte foto në Kështjellën Windsor duke përmbushur një nga dëshirat e saj. Siç raporton rrjeti britanik Sky Neës, Kate, e cila së fundmi njoftoi se ka përfunduar një cikël kimioterapie pasi u diagnostikua me kancer në fillim të këtij viti, është fotografuar duke u përqafuar me 16-vjeçaren nga Harrogate.
Në një mesazh personal në rrjetet sociale, William dhe Kate kanë shkruar: “ Të kënaqur që takuam Liz-in në Windsor sot. Një fotografe e re e talentuar, e cila na frymëzoi të dyve. Faleminderit që ndani fotot dhe historinë tuaj me ne. W&C’.
