Princi Harry ka planifikuar një udhëtim të ri jashtë vendit, këtë herë në Lesoto dhe Afrikën e Jugut, por nuk ka asnjë konfirmim nëse Meghan Markle do të jetë pjesë e udhëtimit. Udhëtimi i tij vjen pas një vizite në Nju Jork këtë javë, ku ai gjithashtu udhëtoi vetëm, duke nxitur spekulime për një krizë të mundshme në çift.
Në Lesoto, Harry do të marrë pjesë në një takim me drejtues biznesi, filantropë dhe përfaqësues lokalë për të mbështetur organizatën e tij bamirëse për të rinjtë, Sentebale. Princi Harry ka një lidhje të thellë emocionale me Lesoton që prej vitit 2004, kur kaloi dy muaj në këtë vend gjatë një pauze studimesh. Kjo përvojë, në moshën 19-vjeçare, e preku thellë dhe e frymëzoi atë që në vitin 2006 të themelonte Sentebale, për të ndihmuar fëmijët e pafavorizuar dhe për të nderuar kujtimin e nënës së tij, Princeshës Diana.
