E imagjinoni një fustan të bërë me ngjitëset e pakove të DHL-së?
Në sfilatën e Vetements për koleksionin pranverë-verë 2025, drejtori kreativ Guram Gvasalia solli një veshje unike, të cilën e veshi supermodelja Gigi Hadid. Gigi kaloi në pasarelë e veshur me një fustan të shkurtër, të krijuar tërësisht nga ngjitëset ikonike të kompanisë DHL, shoqëruar me taka të larta që gjithashtu mbanin logon e kompanisë.
Me një makeup minimalist dhe flokë të stiluar në onde të lehta bob, Hadid arriti të mahnitë të gjithë të pranishmit me pamjen e saj unike. Ky ishte padyshim një nga momentet më të paharrueshme të sfilatës dhe një rikthim i Vetements në eksperimentimin e guximshëm të modës.
