Jennifer Lopez dhe Ben Affleck janë duke kaluar një periudhë të vështirë pas vendimit për t’u ndarë, ku një nga sfidat më të mëdha është ndarja e pasurisë, pasi çifti i famshëm nuk kishte nënshkruar një marrëveshje paramartesore. Sipas burimeve të revistës “OK”, përveç kërkesës për divorc që është në tryezën e avokatëve, paratë janë një tjetër pikë për t’u zgjidhur.
Një ndër asetet më të rëndësishme është shtëpia e tyre prej 60 milionë dollarësh, ku Lopez ka investuar më shumë para. Ajo ka kërkuar që t’i kthehen mbrapsht të gjitha paratë e investuara në rregullimin e kësaj rezidence, duke bërë këtë kërkesë si pjesë të procesit të divorcit. Pavarësisht se situata është e ndërlikuar nga mungesa e një marrëveshjeje paramartesore, Lopez shpreson që ndarja të jetë sa më e lehtë.
Burimet thonë se Ben Affleck po përpiqet të gjejë mënyra për të përmbushur këtë kërkesë, me qëllim që të shmangë një betejë të gjatë ligjore. Divorci u zyrtarizua më 20 gusht, në përvjetorin e dytë të martesës së tyre, dhe procedurat për ndarjen e pasurisë janë ende në proces.
