Ndërkoh që ndodhemi dy ditë nga përballja me Serbinë, FSHF ende nuk ka përfunduar shpërndarjen e biletave përmes procedurës së re që ka zgjedhur, të pa aplikuar më parë.
Dhe duke qenë metod e re dhe pak e komplikuar, edhe shpërndarja mesa duket po shkon me rritme shumë të ngadalta. Këtë tregon edhe njoftimi i sotëm i FSHF, të cilët kujtonë se se kanë vetëm 24 orë kohë për të përfunduar pagesën e biletave përmes një linku që skadon.
“Federata e Futbollit njofton se vijon procesi i shpërndarjes së biletave përmes shortit elektronik për ndeshjen Shqipëri – Serbi. Të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes. Pas këtij afati, linku bëhet i pavlefshëm dhe biletat nuk mund të blihen. Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse”, njofton FSHF.
Pakënaqësi për shitjen e biletave ka pasur edhe nga tifogrupi më i madh i kombëtares Shqiptare, “Tifozat Kuq e Zi”, të cilët nuk kanë mundur të sigurojnë bileta për të qenë të pranishëm në stadium. Ata hodhën akuza ndaj drejtuesve të FSHF duke i quajajtur “vëllezër të shkijeve”.
Ata kanë njoftuar se edhe pse nuk do të jenë në “Arena Kombëtare” do të mblidhen tek Lulishte Vëllezërit Frashëri përballë Piramidës për të ndjekur ndeshjen me një ekran të madh të vendosur nga vetë ata.
