Kuvendi i Shqipërisë e nisi punën duke mbajtur një minutë heshtje për policin e vrarë në Maliq gjatë operacionit policor për të kapur një të kërkuar.
Taulant Balla tha se i ndjeri sapo është shpallur Dëshmor i Atdheut.
Kryeministri Edi Rama ka reaguar për ngjarjen e rëndë të ndodhur sot në Lozhan të Maliqit ku efektivi i forcave ‘Shqiponjave’ Enea Mekolli 34 vjeç mbeti i vrarë gjatë një operacioni për arrestimin e Violand Braçellarit, i dënuar me 10 vite burg për ‘prodhim e shitje të narkotikëve’.
Rama i uron shërim të shpejtë efektivit të plagosur Edison Adri 36 vjeç ndërsa kërkon dënimin maksimal për autorin.
